حلى جديد ومن إختراعي لازم تذوقوه ... يمي ! .. طعمه يطير العقل !!

جايبتلكم طريقة حلى أنا مخترعتها بنفسي وأنا متأكدة إنها راح تعجبكم ... وأنا مسميته بإسمي هههههه
يلا سجلوا معايا :

الحلى مكون من 3 طبقات ...........

**الطبقة الأولى **
1 أصباع زبدة مذوبة .
أي بسكويت مطحون ناعم .
تمزجي الزبدة والبسكويت وبعدين تفرديهم في صينية زجاجية بشكل مرتب وتخلي الصينية على جنب .............[/COLOR][/color

** الطبقة الثانية **
1 قشطة.
1حليب جاموس نستلة .
6 أو 8 حبات جبن كيــري .
حطي كل هذي المقادير في خلاط وتتركيه يخلط عشان الكيري يتجانس مع القشطة والجاموس ... بعدين تسكبي الخليط فوق الطبقة الأولى (الزبدة والبسكويت) .. وتدخلي الصينية في الفرن بعد ما تولعي النار يلي فوق بدرجة هادئة لفترة .. أنتظري حتى تتكون طبقة سميكة بعض الشيء على وجه الخليط ((( عشان لما تسكبي الطبقة الثالثة ما يتلخبطوا مع بعض ويتشوه منظر الحلى )))<<<< دايما ً أستعجل وأخرجه من الفرن وأبهدل شكله !! ههههههههه
المهم لما خلاص يصير لونه ذهبي خفيف وله طبقة خرجيه من الفرن وأتركيه يبرد لفترة ..... خلال ذلك جهزي الطبقة الثالثة .

** الطبقة الثالثة **
1 كيس كريم كراميل.
4 ملاعق حليب بودرة .
1 ملعقة كبيرة ونصف (حسب الرغبة) شوكولاتة بودرة من أي نوع تحبيه (كاكاو) .
تجيبي قدر وتحطي فيه موية إرتفاعها 3 أصابيع وتخليه لما يفور بعدين تحطي كريم الكراميل وتلخبطيه بسرعة وبعده الحليب وبعده الكــاكـــاو وتتركيه يفور لفترة قصيرة مع التحريك المستمر ...
هذه الطبقة لا ُتسكب وإنما توضع برفق بملعقة كبيــــرة فوق الطبقة الثانية حتى لا (ينخرق) ويخبص الشغل كله !!!
وبعد كذا أحملي الصينية ودخليها الفريزة بحرص وعنااااااية فائقة عشان ما ينكب على برا ...
بعد ما تشوفي الطبقة الأخيرة جمدت خلاص خرجيها وغلفيها بالنايلو عشان ما تاخذ ريحة الثلاجة ودخليها الثلاجة وبعد ما تبرد .... بالهناء والعافية عليكم أصلا ً ماراح يبقى منه شي كله راح يتآكل لأنذ لذييييييييذ يممممممممم

ولا تنسوا تدعولي وتقولولي كيف عجبكم ولا لأ ... أنتظركم يلا روحوا أعملوه تراه يدوووووخ !!
ونصيحة لأي وحدة مخطوبة : لو خطيبك جاي يزورك أعمليله هذا الحلى وراح ياكله وهو مبسوط منك حيييل ورح يلحس أصابعه وراه .. ههههههههه

وبالهنا والعافية يارب ...